امي مسافره وهعمله حفله بس ياريت متجيش علي غفله !!!!
ولا جيرانا تبلغ عنا ولا الكهربا تعمل قفله
احم .... ايه ده هو في حد هنا ، مخدتش بالي ....
طبعا سؤال بيطرح في عقل كل واحد داخل المدونه
( مدام في حفله ، فين التورته والحاجه الساقعه والزينه ؟؟؟)
طبع الناس الجعانه بس هتسأل كده .... الناس العاديه بقي هتسأل
الحفله دي لأيييييه ؟؟؟
احييك عزيزي القارئ ، بجد بحييك علي سؤالك اللولبي
بس اجابتي ليك هتكون زي اجابة عادل امام في مسرحيه الزعيم
( لماذا قمنا بالثوره ؟؟ ....... انا لااعلم لماذا قمنا بالثوره ، انا كنت في الحمام ساعتها )
الواحد وسط زحمة الدروس والمدارس والمذاكره والقرف
بيبقي عايز اي استراحه
اي بريك ...... ( اي حاجه قبل اخرتك يعني)
لذلك الواحد صمم يعمل حفله ، واظن سنة2010 مليانه بمغامرات ممكن نحتفل بيها
نحتفل بالعام الجديد .... نحتفل برحيل البدري ..... نحتفل بالألبوم بتاع عمرو دياب اللي ان شاء الله هيتعمل
نححتفل بتعادل الأهلي ..... نحتفل بشهر 12 ولا تزعلوا !!!!!
0 التعليقات:
إرسال تعليق