RSS

الثلاثاء، 24 أبريل، 2012

اعجبني ...






كانت أحاديث السهرة تدور
فقلت :


حدثونا عن غير الموت
قالوا: نحكي عن الحرب
قلت: عن غير الحرب
قالوا: نحكي عن دموع المشردين
قلت: عن غير دموعهم
قالوا: عن المنتظرين
قلت: عن غير المنتظرين
قالوا: لا نعرف غير هذا فعمّ نحكي
قلت: اسهروا كما تسهر الحيطان
لا تتكلموا عن شيء
وانظروا بعضكم الى بعض
علّ الوجوه تتحادث” 


زياد الرحباني,  كتاب صديقي الله )

الأربعاء، 18 أبريل، 2012

بسنت في بلاد العجائب





آاااه يالها من ماده مثيره مليئه بالقوانين والتعريفات والمسائل 
تجعلك تعرف كيف يعمل كل شىء حولك .. تجعلك تحب اكتشاف العالم
( بسنت ... انتي لما بتجوعي بتقلبيها دراما ! )
يب يب ايه جو الدراما الرخيص دا !
الفيزيا دي ماده غبيه ، ليست بمثل غباء الكيميا ولا زي حلاوة ..... امممممم آاااه احم
الواحد لما لفها في دماغه الصراحه ملقاش ماده عدله !
النهارده كنت بذاكر فيزيا من 2 الضهر لـ8 بليل ، حفظ في قوانين وتعريفات وحل مسائل كلها متشابهه
من النوع اللي مينفعش يتضرب على الآله ، واللي اي طالبه غيري كانت هتجيب البتاعه بتاع الحلول وتنقل الأرقام
وفي وسط مذاكرتي ونقلي للأرقام ، بس فجأه لاقيت حفره عمييقه
آااااااااااااااااااااااااااه ...


~*~*~*~*~*~*~*~*~*~*~*~*~

آاااااه انا يستحيل انام على الكنبه هنا تاني !
كالعاده الدنيا حر ... قمت وغسلت وشي ، خدتلي دش دافي
لبست هدومي وخرجت ، فتحت الجهاز  ... الفيس !
Notification ، ناس ضافوني على جروبات ممله ، صحابي عملوا كومنت على الستاتيوهات والصور
ممل ... خليت الجهاز مفتوح وروحت فتحت التلفزيون ، مجلس الشعب بيناقش تطوير الثانويه العامه
آممم اقعد اتفرج .. { الدروس الخصوصيه بقت مشكله خطيره }
مدام قلت دروس خصوصيه تبقى راجل مش محترم ، قفلت التليفزيون
البيت كله برا ، قعدت على الجهاز تاني وفتحت الوورد
وقفتي فين امبارح يابت يابسنت ... آاااه اه الفصل التالت عايزه اقفله
- اكتب واكتب واكتب واكتب - خش الفيس ، غيرت الستاتيوس ( خلصت الفصل الثالث ادعولي ... )
تعليقات بعدها بـ4 ثواني ... رغي وهري ، قفلت الفيس وقعدت اكمل القصه
وياااااااااااااه ، 3 شهور عدوا هوا ياربي !
خلصت الكتاب ومعرض الكتاب قرب " محدش يركز في حتة معرض الكتاب دي لأنه اصلاً خلص من كام شهر "
خلصت الأهداء ، صاحبتي ربنا يخليهالي شغاله في دار نشر ، خدت الروايه
اخترت شكل الغلاف الثاني كان احلى على فكره ... 
دخلت الفيس ، عملت موعد ... ودعيت كل اصدقائي لحفل التوقيع الخاصه بيا وكلهم قبلوا ، او نصهم !
بس ياترى البس ايه ، البس الطقم الأسود ؟
لالا كئيب ، طب احمر ؟ ... ايه القرف دا ثم ان انا معنديش طقم احمر !
استرقيت على البلوزه الرمادي والبنطلون الجينز وطبعاً كعاد الناس المهمين بيروحوا متأخرين على معادهم 3 ساعات
روحت ، فعلاً فكر اني اهدي اهداء مخصوص لكل واحد فكره متعبه !
بس اخيراً خلصت ، خرجت مع اصحابي نحتفل ورجعت البيت وقعدت اتكلم معاهم على اللقاء
ياااه كان لقاء حلو بس عارفين لو كان .....



                             ~*~*~*~*~*~*~*~*~*~*~*~*~

بابا : هاه يابسنت عامله ايه في المذاكره شغاله ولا ؟
انا : لالا كله تمام
( ايه دا انا طلعت من الحفره دي ازاي اصلاً ! )
واو ، المذاكره دي فعلاً حلوه ... بتخليك في عالم تااني ، في عاااالم تاااااااني
ملووووش اثـــــــــــر
ولكن ها انا ذا ، قاعده قدام كتاب الفيزيا وبحفظ تاني في القوانين
صحيح هو انا قلتلكوا انها ماده غبيه ؟؟؟

الثلاثاء، 17 أبريل، 2012

قلش رخيص ...





صحراء جرداء ، لا زرع بها ولا ماء !
اول حاجه قلتها اول مدخلت المدونه ، بقالي ييجي من اول 2011 وانا مبكتبش حاجه في المدونه
عقلي حصله جفااااف ( جفاف راضي هاهاها )*
وبعيد عنكوا ، بدل مكنت بكتب في المدونه وبغني راب في امانة الله
ظهرتلي عدوى جديده بتدمر حياتي ... ( عدوى وعشوه هاهاها )*
يب يب .. انا بقيت بقلش كتير ، كتير اوي كمان !
( كتير جداً جداً جداً على رأي مدحت شلبي )
في بعض الأشخاص ميعرفوش يعني ايه قلش*
" اقروا معاني الكلمات في اخر التدوينه "
حب اقلكوا ان القلش لما بيركب الواحد بعيد عنكوا مبيروحش ، بيلزق ، ويحولك لكائن هلامي لذج
مكروه في المجتمع ...!
كنتوا عايزني اخش واواجه مدونتي ازاي وانا شايله العدوى دي !
لكن بالصدفه دخلت على بلوجر ، وبالصدفه دخلت وبدأت اكتب في تدوينه
لربما ينقشع الغبار عن مدونتي ... صدق او لا تصدق ، انا كنت ناويه همحيها من الوجود
لكن ضميري مجبنيش ، بعيداً عن القلش ( خمسين قلش هاهاها ) ( قلش سلامه هاهاها )
انا رجعت ، وناويه بإذن الله " بعد الأمتحانات " ارجع نشاط المدونه تاني
بعيد عنكوا بقيت في اولى ثانوي ، وامتحاني بعد اسبوعين هاهاهاهاها 
فادعولي بالنجاح ,, وكونوا مترقبين جديدي في ( دو .. ري .. مي )
وبالمناسبه ، قريباً جداً بعد الأمتحانات برضو ... هبدأ بكتابة اول كتاب في حياتي
مش هقول اسمه عشان مش احرقه او يتسرق ^^
بس برضو دعواتكوا !


وسلامو عليكم ... آاااه اه استنوا
نسيت معاني الكلمات :D


*( جفاف راضي هاهاها ) : قلش رخيص على اسم عفاف راضي ^^
*( عدوى وعشوه ) : قلش رخيص على اساس يعني انها " غدوى " وكدا يعني احم ...
*(قلش ) : هو فن التلاعب بالألفاظ والقدره على فقع الشخص اللي قدامك في مده لا تتخطى ال10 ثواني


________


SEE YOU 
:D