رمضانيات 1 ........ التار التار احسن من " العار "

قولوا للي اكل الحرام يخاف 

بكره اللي كله يفسده 

يابا الغنى بالحرام لو شاف ابن الحلال يحسده
ناس بتعبى فى شكاير مقاسى ومعاصى وخساير
مين باع ضميره دا ماله مهما يستف ف ماله
مين باع ضميره دا ماله مهما يستف ف ماله
ولا يعلى فى عماير مصيره مستقصده

غناء / ادم 

( ايييييه ده كله اييييه ده كله ... ايه الجبس ده كلله )

بصوا انا مش عارفه اتكلم عن اخر حلقه من المسلسل 

ولا عن اغنية المسلسل نفسها ؟؟؟

طب خلوني معلش بلز اتكلم عن اخر حلقه لاني هفرقع 

ايه النكد ده كله ؟؟؟؟ كمية نكد حشروها في ساعه وكام دقيقه

تخلوك تكره نفسك وتكره المسلسل 

وسؤال تاني !!! 

ليه محدش مات في كام اول حلقه كده علشان عل الاقل الاحداث تبقي مثيره ؟

لا دول كانهم حشوا ال29 حلقه اللي فاتوا وعملوا كل حاجه 

في اخر حلقه ...........

وليه جايبين سيرة ربنا كده عمال علي بطال ؟

ونفسي افهم الناس اللي كانوا بيعيطوا في اخر حلقه دول ؟

انا امبارح قرأت كومنت عل الفيس بوك غريب اوي

( الحلقه كانت جميله فعلا وياريت كلنا ناخد منها عظه وحاجه مفيده )

" لا ده في هبل في الفلنات "

حححححح ..... كده انا خلصت عن المسلسل

نيجي بقي للاغنيه بتاعة المسلسل 

الاغنيه عجيبه اوي 

او يمكن انا مش فاهماها ؟؟؟؟

والواد اللي بيغنيها صوته بيشحر بطريقه توجع الودن  

تعليقي انها اغنيه وحشه ومسلسل ممل بس يعني اهو تضييع وقت  

وواضح ان تعليقي الاكبر كان علي اخر حلقه 

بس لانها فعلا حلقه مستفزه جدي 

وانتظرونا في رمضانيات 2