مستمع الـ Rock & Roll
الروك اند روول
يعني صباح التخبيط والرزع في الحلل
الروك فن متميز جدا
في الاغاني واللحن
ومستمعي الروك كتييييير اوي
وفي ناس بتسمع اغاني ومعتقدين انها بوب بس هي روك
ولما خدت رأي احد المستمعين للروك
" اختي برضو يعني "
كان الحوار كالاتي
انا : ايه شعورك لما تسمعي الروك ؟
هي : تحسي انك وانتي بتسمعي بتحسي بالنشاط والحماس والعنفوان
انا : العنفوان ؟؟؟؟ ........ ايه عنفوان دي ؟
هي : يعني حركه وحماس ياجاهله !!!
انا : احم احم ...... هحترمك بس علشان احنا في حوار ، المهم كملي
هي : الروك هي مزيكا الستينات يعني ايام الفيس بريسلي والبييتلز
انا : كملي .....
هي : موسيقي الروك يعني الحركه والشباب وهو عصير الشباب في رقصه
انا : عندك كلمه تانيه عايزه تضفيها غير عصير الشباب ؟
هي : الروك هو اكسير الشباب ....
انا : شكرا ...................... كنتي بتقوليلي بقي ياجاهله ؟؟؟
( احم ....... نكمل موضوعنا بعديا عن اللي حصل بعد كده )
وعلي فكره ........ اللي مسمعش روك ده
ميبقاش سمع حاجه اصلا
والروك عمالقته كتيييير جدا كل واحد كان مبدع ومقصرش
والله ....... وكان معظمهم عباره عن فرق
ودول كانوا اشهرهم
Elvis Presley
The Beatles
Chubby Checker
the beach boys
طبعا واضح فعلا ان اغلبهم فرق
وكانوا اعظم الفرق في زمنهم بس طبعا
اللي بدع الروك هو الفيس بريسلي
علشان كده انا بحب المزيكا ....... ال Rock
0 التعليقات:
إرسال تعليق