RSS

الاثنين، 6 سبتمبر 2010

باحب المزيكا ........... المصري


VS


المصري ........ ام الاجنبي 

المصري ........ يعني صباح الرواقه

يعني صباح ..... اللي بتغني

يعني لاتقولي امريكي ولا هندي ولا صيني 
ده احنا عندنا طرب زي الفل
من ايام ام كلثوم والمطلب ....... لحد عموره وتامر وحماقي

في كتيييييير كارهيين الفن القديم ده 
بس لو ركزنا مع اهالينا 
هنلاقي انهم كلهم بيحبوا القديم لانهم اتعودوا عليه 
والفن المصري اشكال والوان 
يمكن تاريخه بالذات واضح بالنسبه لنا اوي
"وده بيمثل التطور الطبيعي للحاجه الساقعه  "
من الست لورده لصباح لعدويه لناس في النص واقعه كده ..... لحد الكينج 

وفي حوار مع احد الشباب ذو ال 17 عام ....." للاسف مقدرتش اجيب اختي المره دي" واللي بيمثل مجتمعنا الشبابي حاليا ....... كانت اجاباته واضحه وصريحه وطويله شويه
" لانه كان في الكاميرا الخفيه وفاكر انه في برنامج بجد "


انا :   ايه شعورك وانت بتسمع عمرو دياب ؟

هو : يعنى برتاح كدا ودنى بترتاح لما بسمعه غير اى حد تانى .. يعنى فى كويسين كتيير ..لكن  عمرو  بحس فعلا انى مش عاوز الاغنيه تخلص صوته حلو  بيريحنى نفسيا 

 انا : اممممم بتسمع اجنبي ؟

هو :  لا يعنى عادى بسمع بس مش متابع بأى والجو دا

انا :  تعرف ايه عن الروك او الجاز او الراب ؟

 " صمت رهيب لمدة 3 دقائق "

هو : يعني ارد اقول ايه .... ده كلام يتقال في برنامج محترم ؟
 الجاز دا بيبقى بأله موسيقيه كدا مش عارف اسمها 

انا " بضحك متكتم " :  احم......... سيبك من الجاز تعرف ايه عن الراب ؟

هو :  بصى الراب اللى اعرفه عنه ان هو مش غنا هو كلام عادى على طبله كدا معينه ودى اهم حاجه فيه يعنى مش لازم ميوزك عاليه وبيعالج مشاكل يعنى بس عاوزه حاجه تاني ؟

انا :  اممممم ....... بتحب الست ؟

هو :  لا خالص طبعا 
بس دا ميمنعش انها من تاريخ مصر واثرت ف اهلنا كلنا بشكل كبير وعلامه من علامات مصر يعنى لكن انا كشاب 17 سنه بعمل كل حاجه ف حياتى بسرعه عشان ف القرن العشرين الواحد وعشرين تقريبا يعنى  مش فااضى اقعد اسمعه كاام ساعه ف اغنيه اسمعها فاهماانى ؟؟ كل زمان وله اغانيه  زمان كان التلفزيون بيشطب بدرى ومفيش حاجه يعملوها ف بيسمعو عادى
ننتقل للسؤال التالي .....

انا :  عندك كلمه اخيره تقولها للشباب في الفن .... او في اي حاجه تانيه

هو : بخصوص الفن يبقى اوجهها لكل اللى مبيحبوش عمرو اقوللهم عيب اوى يبقى لسه عندنا عقده الخواجه لحد دلوقت .. اللى هو ياعم عمرو دا حرامى عمرو دا مش بيفهم .. وهو برا اصلا معجبيه أد اللى فالوظن العربى كله ومحبوب ف كل دول العالم وبيتعملو حفلات ناجحه بيحضرها اجانب وبيتاخد اغانيه تترجم لكل دول العالم مبتحبوش اوكيش دا حقك لكن مينفعش تقول انه بيسرق او كبر او حرامى

انا : شكرا ....... وبنشكر في نهاية حوارنا الكابتن ده 

 هو : انا بتوزع ولا ايه ؟

انا : بنشكره علي حواره اللي بيتنشر دلوقتي في مدونة دو ري مي

هو : لالا انتي بتهزري ..... انا مش موافق

انا : مش موافق علي ايه ؟

هو : مش موافقق ان الحلقه دي تتذاع 

انا : خلاص كلامك اتسجل خلاص !!!!

هو :  مينفعش تتزاع الحلقه دي مش موافق هيقولوا مين الجاهل 
اللي مبيسمعش ام كلثوم ده

انا :  انت بتمثل المجتمع الشبابي


هو : بس كتير من الشباب بيسمع اجنبى  انا مش بمثلهم

( طبعا احنا عملنا مونتاج كبير للحلقه دي ..... لدرجة ان في سؤال كامل اتشال كانه كده كان بيهزأني فيه )

ودي ياجماعه كانت عينه من شبابنا اللي بيسمعوا عموره 
وحبيت انزلكم الحوار ده لاثبتلكم عقليتنا المصريه المتحضره 

 مش هقول كلام اكتر من كده 
بس هاقولها كلمه اخيرا 

انا باحب المزيكا .............. المصري
استرجل......... واسمع مصري
المصري ......... ام الاجنبي 
 

0 التعليقات:

إرسال تعليق