RSS

الثلاثاء، 7 سبتمبر 2010

باحب المزيكا ................ الميتال





 METAL
يعني صباح الهبل !!!!!
يعني صباح العبط !!!!!
يعني صباح الناس اللي بتحلق شعرها كل سنه مره !!!!
حد غلبان هيسأل ...... ايه علاقة ده بالميتال
هقولكم لما تسمعه بتحس بالهبل والعبط 
هتقولولي طب ايه علاقة الحلاقه والشعر بالموضوع 
هقولكم انا زمان كنت بشوف بتوع الميتال بشعرهم ده عمرهم مقصوه

انا الحقيقه مش هعرف اقول رأيي خااالص في الميتال ده 
حد فاضي هيسألني ...... طب ليه بتكتبي عنه ؟؟؟!!!!
هقولهم علشان انا شايفه انه بقي الموضه الرائجه بين الشباب
ويستحيل حاجه زي دي تعدي من تحت الكيبورد بتاعي
وزي مانا متعوده دايما بجيب ضيف في كل حلقه
المرتين اللي فاتوا جبنا اعمار مختلفه
اختي : 20 سنه 
والضيف الاول : 17 سنه 
" اختي طبعا لاتعتبر ضيفه .... لانها معايا طول النهار في البيت " 
 المهم نرجع لموضوعنا
ضيفنا التالت سنه مختلف شويه وواضح اننا بننزل مش بنطلع
 ضيف ذو الـ 14 عاما 

( عندك كام سنه ياحلوه ؟)
( اربعتااااااشر سنه ) 
 ولما كلمناه كان ناصح وعرف انه برنامج من الاول 
وكان الحوار كالاتي

انا :  اهلا بيك في تاني لقاءاتنا في برنامج باحب المزيكا

هو : اهلا بيكي 

انا : في بداية الحلقه احب اسالك ايه شعورك وانت بتسمع ميتال ؟

هو :  فى انواع يعنى مثلا ساعات بتسمعى اغنيه بتحسسك انك مضايقه اوى و اغنية تانية تكونى جالك هوس بيها و بالميوزك بتاعتها فبتسمعيها اكتر من مره لأن الميتال و الروك على عكس باقى انواع الموسيقى فيهم تأثير اقوى .....ساعات 
( هو احنا علي الهوا صح ؟؟؟ )

انا :  احم احم ......... السؤال التاني تعرف ايه عن الجاز او الروك او الراب ؟

هو :  الجاز مش مهتم بيه الروك متفرع من الميتال اخف شويه فطبعا عشق لا ينتهى الهيب هوب بحب فيه الحجات الى بتتكلم عن المجتمع الامريكى زى موسيقى إمنيم و ليل واين و الناس دى

انا :  الروك متفرع من الميتال ازاي............. قصدك الميتال هو المتفرع من الروك ؟؟؟

هو :  يب الروك هو الاساس سورى لخبط 

انا :  مين احسن واحد بيغني ميتال بوجهة نظرك ؟

هو :  فى كتير سييزر و ايمى لي من ايفانسيس و لينكن بارك و هايلى ويليامز من بارامور فى فايف فينجر ديث بانش ستاتيك اكس كورن و فرق اكتر و كل موسيقاهم بتكون مؤثره

انا ( بنظره استغراب فظيعه ) : احم ......... ماشاء الله ماشاء الله  تحب تقول كلمه اخيرا للشباب في الفن ..... او في اي حاجه تانيه ؟

هو : يب يا جماعه فى فرق ما بين الميتال و دى موسيقى رائعه زى بقيت انواع الموسيقى و مابين البلاك ميتال و هو دا الى حرام وشكرا

انا : اه صحيح سؤال مهم نسيته جدا .......
ايه الفرق بين الmetal وبين ال death metal وبين الblack metal  

هو :  البلاك و الديث دول انواع بيتقال حجات فيها حرام يعنى ميتسمعش بتخالف الدين لكن الميتال العادى مش بيتكلم عن الاديان و ملوش علاقه بيها

انا : وفي نهاية لقاءنا بنشكرك علي اللقاء ده 

هو :  شكرا ليكم ض2 على استضافتى فى البرنامج

انا :  ليكم ليه مفيش غيري اصلا ؟؟؟

هو :  اسرة البرنامج قصدي 

انا :  هو البرنامج اسمه باحب المزيكا ولا ..... بنحب المزيكا ؟؟؟؟ مفيش اسره انا لوحدي انا حتي اللي بقول ششششش في الاخر انا الكل في الكل هنا

هو  : ( صمت رهيب )

انا :  عايزنا نذيع ولا مش نذيع ؟

هو :  لالا زيعوا نو بروب   ض2

 
اللقاء ده حبيت انزله زي ماهو مش عارفه ليه ؟؟
يمكن علشان حلو ؟؟
الصراحه لا انا مكسله ومش قادره امنتج حاجه اصلا

واحب اقولكم الكلمه اللي بحب اختم بيها 
انا باحب المزيكا .......... الميتال 
لذلك استرجل ..... واسمع ميتال 


تحياتي
بسنت نبيل
مدونة دو .. ري .. مي
حيث تصبح الحياه ...... سيمفونيه

0 التعليقات:

إرسال تعليق