حاجه مش طبيعيه .......... فعلا !!!!

امبارح بس كنت عماله ادور علي البوم او مغني او اغنيه

علشان انقضها وابهدلـ........... اقصد واقول رايي  فيها بصراحه

قعدت ادور لاقيت حماقي منزل البوم

 اختي قالتلي ده بقاله كتير نازل

طبعا قلت يستحيل ده يفوت من تحت اديا

حملت الالبوم وقلت هسمعه واقول رايي فيه

بس بصيت لصورة الالبوم استغرب اوي !!!!

واول حاجه طلعت مني 

( هو حماقي ماله قلب علي عمرو دياب كده ليه ؟ )

قلت فعلا " حاجه مش طبيعيه "

المهم نزلت الالبوم علي الـMP4

وحطيت السماعات وشغلت اول اغنيه 

( في حضني )

عجبني لحنها في الاول  والكلمات شبه متجدده

بس بدأت اتخنق في النص لان الكلام اتكرر 4 مرات

وعمال يتشحتف عليها محسسني انها ملكة جمال النمسا

( متعقد )

كانه عمل كوبي للحن اللي قبليه نفس التيمه 

 وكانت الصدمه 

فكرة الاغنيه مسروقه من اغنيه لعمرو دياب

اغنية ( ليه ياقلبي ) 

برضو نفس الفكره الواحد اللي حب كتير علشان ينسي حبيبته 

شكلك بقي وحش اوي ياحماقي !!!!

( حاجه مش طبيعيه )

الاغنيه الرئيسيه للالبوم 

يعني البيج بورص بتاعة الالبوم

اشتغلت المزيكا طبعا نفس اللحن 

فضلت مستنيه ....... مستنيه ...... مستنيه

عدا كتير ؟؟؟؟ دقيقه و 5 ثواني مزيكا 

قلت مش مشكله نعديها .....

بدأ يغني " سمعني يافنان سمعني ياموهوب"

 (  ده اللى اتددوخت عليه ولقيته اتارى كده كده كان متشالى الاقى روحى نصى التانى كلى ده ايه بقا فى وهم حاصلى ولا حلم انا فى ايه ده)

انجليزي ده يامرسي ؟؟؟؟؟؟؟

طبعا نقلت علي اللي بعده 

( لو دعيالي )

"وامى لو دعيالى تيجى وتقولهالى واما تقولهالى مش هفوت الليلادى على خير"

الله ......... برافو لا تعليق يافنان

( احساس فظيع )

الاغنيه دي انا متغاظه منها من غير ماسمعها 

ايه فظيع دي ؟؟؟؟؟

طب قول غريب ..... عجيب ........ مريب

اي حاجه ييب في الاخر

مش كفايه الاغنيه وحشه كمان الاسم وحش 

مش فظيع ........ انقل عل اللي بعده 

 ( لسه بتخاف )

خخخخخخخ !!!

الاغنيه دي احسن وقت لسماعها الساعه 4 الفجر

او في حالات الارق 

بجد نوووم اخر حاجه 

الصراحه مستحملتش اكمل الالبوم اصلا 

كله نفس اللحن ونفس التيمه ونفس الكلام 

بجد الالبوم فكسااااااان اخر حاجه فعلا

يمكن علشان انا مش بحب العربي اوي

بس برضو انا مستمعه عاديه يعني الرحمه حلوه ليه الاغاني الرومانسيه دي

ليه مفيش ولا اغنيه فيها حاله " حلوه "

 يلا ................ اهي كلها اغاني بتتسمع وبتتركن 

 واديني اهو بدور دلوقتي علي البوم تاني

ومغني تاني

ياااااارب الاقي حاجه كويسه