امبارح كنت قاعده مع صحابي قعدة سمر
لاقيت حوارهم كان كله عن شئ واحد
تامر حسني والبومه الجديد
استعجبت !!!
هو لسه في مصر ناس بتتابع الكلام ده ؟
قالولي ايه يابنتي انتي مسمعتيش الالبوم
" لا اصلي مش بحب الكلام ده "
( وكأني غلطت في مايكل جاكسون )
ازاي مسمعتيهوش ولا انتي مش بقيتي بتسمعي غير راب
" انا بتهزأ ياجماعه "
قررت اروح لاعز صحباتي علشان تسمعني الالبوم
وقررت اقول رايي بصراحه ومش هخاف
( بتصعب عليا نفسي )
اغنيه غريبه بتثير المشاعر عند البنات بطريقه غريبه
منكرش انها عجبتني بس لما ركزت
لاقيتها انها خطر اوي
يعني انصح البنت تسمعها مره واحده في اليوم
( صحيت علي صوتها )
متزعلوش مني في كلامي
اغنيه مفيهاش كرامه خالص !!!
" قالتلي نرجع بس بشروطها قلتلها متفقين ياستي وموافقين "
اما صحيح الرجاله ماتوا في الحرب
وسألت نفسي ياتري ياهل تري
هي ماسكه عليه زله ؟؟؟؟
ولا هو اللي مدلوق اوي ؟؟؟
( يانا يامفيش )
هنا هو قرر انه يرجع كرامته بس مش اوي
" يانا يامفيش اصلي معنديش في الحب هزار "
( حمش ياوااااااد )
" لو حد نداني هعمل مش سامع براضك "
( مفيش فايده !!!!! )
( تعرفي بحلم بايه )
اغنيه موضوعها محدود اوي
او تحس ان فيها امل كتير وتطلعات للمستقبل
محبتهاش بس غيري عشقوها كتيير
( عين شمس )
اكبر مايقال عنها انها اغنيه جيده .......
هي دي الاغاني اللي رايي فيها كان واضح
الباقي مهتمتش حتي اني اسمعها لاني متأكده
ان كلها نفس النوع ونفس رتم اللحن
ونصيحه لمحبيين تامر
حبوا الاغاني بس مش لازم تموتوا في الشخصيه
تحياتي
ناقده غنائيه قاسيه شويه
1 التعليقات:
تموره
ازاى اساسا جالك قلب تسمعيه ض3
ربنا معاكى
بس انا مينفعش اعلق على الاغانى عشان مبسمعهوش
إرسال تعليق