RSS

السبت، 21 أغسطس 2010

ايوه انا بنت بتغني راب !!!!!!


ايوه ..... انا بنت 
ايوه ..... انا بغني راب
ايوه.... انا بغنيه بدون اي اسباب 

يابنتي شكلها وحش اوي بنت تطلع تغني راب 
( هو انا طالعه ارقص !!! انا طالعه اغني )

لالالا سيبك من الراب...... الراب ده بتاع الولاد بس 
( يالهوي .... هما لحقوا يصنفوه ؟؟ )


 انا بقي عايزه افهم فيها ايه لما البنت تغني راب ؟
من امتي وهي بالشكل ؟
بجد الموضوع بقي غريب جدا 
البنت اللي بتغني راب دي مصر كلها بتبقي مش طايقاها 
انا مره غنيت انا وزميلتي اغنيه عاديه جدا راب 
النظرات تشكلت بطريقه غريبه 

الولاد بقوا متنحيين ومستغربين
والبنات بيشاوروا ليا ويقولوا ليا كفايه 
وكاني كنت بتكلم عن مرتضي منصور 
بحاجه وحشه 

سالتهم لما خلصت في ايه ؟
" يابنتي مش فاهميين وبعدين ايه الراب اللي بتغنيه ده 
انتي بنت مينفعش "

 فهموني كتير وحاولوا يبررولي كتير 
 وانا برضو مش مقتنعه 

لا لا متغنيش راب ...انتي بنت .... اصل بصي هفهمك ...


( يارب يخلصوا بسرعه .. عايزه الحق اروح اتدرب علي الاغنيه الجديده )

1 التعليقات:

غير معرف يقول...

انا بحب الراب و مش مشكله اذا بنت غنت راب نفضلهم و كمليييييييي :)

إرسال تعليق