كل يوم بنشوف حكايه جديده
من الأيام بنحس ان احنا لسه صغيرين
بنشوف قلوب بتموت ، والعمر يفوت
والناس دي لسه علي حالها
مجانيييين
كم اعجبني ذلك الجزء من الأغنيه عزيزي القارئ
مش عشان كلامها .... انت اول مهتسمعها تحس
ان ودنك متلخبطه
بس ركز مع صوت الراجل اللي بيغني
صوته دافي تحس انك بتسمع " حاجه حلو "
وهو الكورس ف الأغنيه
وبقيت الأغنيه الراب
بالأمانه انا كنت بجري الجزء الراب
واسمع الحته دي بالذات
نادر اوي انك تلاقي صوت راب
" راب مش سريع كمان "
ودي ميزه ......
ميزه انك تلاقي صوت حلو بيغني ف اغنيه راب
وخلي بالك من حاجه مهمه
الجزء الأول جامد جدا
لأنه كان غني جزء الكورس بتاعه
وبيغني جزء خاص بيه
كان نفسي اكتبهولكم بس الصوت مش واضح بس فيه كلمات لفتت ودني جدا
يعني مثلاً
( والحقيقه مُره عاللي ... عاللي مش عاوز يشوف )
( والجواب بيبان تمالي .. عنوان عنوان تغنيه )
.........
( والناس دي لسه علي حالها ... مجانيييين )
اااااااه كم اطربتني ايها المغني المجهول
طبعاً مش هبقي انانيه
اسمعوها وادعولي
تحياتي
بسنت نبيل
مدونة دو .. ري .. مي
حيث تصبح الحياه .... سيمفونيه
6 التعليقات:
جميلة اووي علي فكرة
انا بحب الراب علي فكرة
برغم اني بطبعي بحب الرومانسي والهاديء الحالم
بس بجد اغنية كتير حلوة
صباح الورد
رحاب صالح
علي فكره انا كمان بحب الراب جدا
لأني كنت فنانه رابر في قديم الأزل بس اعتزلت
والصراحه من كتر معجبتني قررت اكتب عنها تدوينه
وصباح الفل عليكي
تحياتي
بسنت نبيل
جامده جدا ع فكرة ولو ان كنت حقفلها لكن قولت اكمل :D وياريت انا سامع من تدوينتك انك كنت بتغني راب مفيش تراكات سجلتيها او اي حاجة اسمعها ؟؟
انتي عارفه والله الواحد زهق من الاغاني الرومانسي لان مش كلنا رومانسين وكمان في كتير مننا single
ولو مش single مش كلنا بنحب الحب اللي بيحكوا عنوا في الاغاني
عشان كده بسمع انجلش اكتر لان في مواضيع مختلفة غير الحب و الرومانسية وكده
انا مش بسمع فعلا غير انجلش
الاغاني دلوقتي كلها بقت حب بطريقه " تقرف "
الانجلش مواضيعه مختلفه وفيها حب اه
بس تقدر تقول حب رايق في مزاج كدا وانت بتسمع
على فكرة اللى بيقول الكورس دة اسمة زجزاج و دة مغنى جميل جدا و صديق شخصى ليا :)
إرسال تعليق