Skip Beat .... كيف تنتقم ممن خانك ؟؟

لا تعتقد عزيزي القارئ انني اعطيك

" افضل عشر طرق للأنتقام ممن خانك "

او تعتقد اني اعطيك برضة

" كتاب كيف تنتقميين ممن خانك .. حصريا مع دو .. ري .. مي "

لالالا انا باعطيك عزيزي القارئ

" مسلسل كرتوون "

او بلاش اقول كرتون .... هو نوع لطيف شويه من الرسوم المتحركه

( مع انها مش هتفرق بس معلش برضو )

مش هطول في الكلام 

حكاية المسلسل جميله جداً ومسليه 

وبلاش اعك في الكلام 

ده الشرح اللي في التقارير

_______________________________ 

بدل من الحظور كل يوم للمدرسة والبقاء مع الأصدقاء
تسافر كيكو مع شو الى طوكيو لكي تساعده ليصبح مغني بوب مشهور.
وكانت تعمل في عده وظائف حتى تحقق حلمه وعندما اصبح مغني مشهور
اكتشفت انه خانها وانه لا يهتم بها .. وانه استغلها لغبائها ..
تقرر وقتها ان تكون منافسته و تغير شكلها بالكامل حتى موديلات ملابسها
وتدخل في شركة منافسه للشركة اللتي بها شو
ولكن لكي تظهر لأول مرا للجمهور كان معها عقد من الشركة
ومع مرورها بالعديد من المشاكل اصبحت اقوى وذات اصرار قوي

 _____________________________________

هو نوعه : كوميدي رومانسي 

اسمه سكيب بييت

مفهمتش حكاية الأسم بس هفهمها بعدين !!

بس اياً كان

انا عجبني انتقامها اوي ... وعاجبني اصرارها علي الأنتقام ده

وطبعاً ده يشيد " حلوه يشيد دي "

ده يشيد ان انا بدل مكنت بتفرج علي كوري

وابتدأت العدوي تنتشر 

اتحول الموضوع للعدوي الياباني 

والله اعلم .... هوصل لفين بعد كدا !!!

بس طبعا منكرش ان المصري ..... هو توم وجيري 

عظيظي القارئ :D

بأشيد لك انك تتفرج علي المسلسل ده 

او اتفرج علي اول حلقه ... لتشيفه خالص

تاني حلقه لطيفه

تالت حلقه هتلاقي نفسك تعرف ايه اللي هيحصل 

المسلسل 25 حلقه بث ....

( مش زي مسلسلات رمضان 36 حلقه ومنفهمش حاجه ف الأخر ! )

 لو معندكش وقت ..... يبقي ضيعت وقتك 

انضحكم بمشاهدته 

وده لينك الحلقات

وكلها عل الميديا فاير

Skip Beat

وتابعوني بحاجاتي العجيبه دي العجيبه دي

 واتمني المسلسل يعجبكم

تحياتي

بسنت نبيل

مدونة دو .. ري .. مي

حيث الحياه تصبح ...... سيمفونيه