برنامجنا ( 25 ) .... وضيفتنا التانيه

ورجعنا ليكم مره تانيه احبائي القراء 

ولسه مستمرين مع برنامجكم المفضل ....

( 25 )

المره اللي فاتت ضيفتنا كانت من اليكس " الأسكندريه "

المره دي قررت اننا نقرب المسافات شويه 

 ضيفتنا .....

من الغربيه ( طنطا )

" شالله ياسيد يابدوي " 

 ضيفتنا ....

في تالته صيدله

البالغه من العمر 20 عااااماً

وبدل منتكلم كتير .... هاهو الحوار الذي دار 

( المكان )

نفس الأستديو ، نفس الكرسيين ، نفس الكاميرات ، ونفس الكرسيين 

والترابيزه بوضع ورد جديد اصفر بلاستيك في الفاظه

انا : هدوء بقا ف الاستديو

اللي هيتكلم يطلع برا احسن مش ناقصيين وجع دماغ الله يخليكم

وكوباية ميه هنا للضيفه ... عاوزه حاجه جنب الميه ؟

هي : لبان ياريت !!

انا : هاتولها لبان من الكشك اللي جنبينا

احم احم ... نبدأ اولاً في بداية حلقتنا ياجماعه 

بنرحب بضيفتنا التانيه بسمه .....ولقبها باسي

اهلا بيكي ف برنامجنا 

هي : ويلكمو بيكوا انتوا .... في ريحة سجاير ؟!!!

انا :لالا ده تلاقيه المخرج عادي 

اللي معاه سجاره يجيب ياجماعه ..... احم اقصد يطفييها

نرجع لموضوعنا ... قوليلي بقي ياباسي

اكييد شهدتي كل اللي حصل ف ثورة 25 يناير

بس السؤال ايه رأيك الشخصي بالثوره ؟

هي : كفكره حلوه .....كتنفيذ لا
يعني فكره الثوره صح و اللي حصل كويس و مع الشباب و كل حاجه
لكن ضد الفوضي

انا : يعني بالمعني ده تقدري تقولي انك كنت رافضه لثوره دي ؟ ولا مؤيداها ؟

هي : مؤيده .... بس مش تأييد مطلق !!

انا :  ياتري في الغربيه عندكوا .... ياتري عندكوا كان فيه اعمال شغب كتير 

او مظاهرات قايمه هناك برضو اي نوع من التوتر ف الأجواء هناك ؟؟

هي : دلوقتي لا مش اويفي الكليات بس في اعتصامات
و قدام مبني المحافظه كان في اعتصام بردو من يومين
و شغب كان في كتيييييير في الوقت بتاع الثوره
لكن دلوقتي اعتقد بقي احسن

انا : اها قوليلي ياباسي .... كنت مؤيده لرحيل لرئيس ؟


هي :ااه بس بطريقه مشرفه مش مهين يعني فكره اننا نشتم و نزعق و نهزق فيه و كده مش عارفه مش بالعاها 
بحب يبقي في قواعد لكل تصرف بس


انا :سمعتي اغنية حماده هلال بتاعة شهداء 25 يناير ماتوا ف احداث يناير ؟


هي : ههههههه كنت فاكراهم ماتو في اغسطس 
بس الحمد لله طلعو في يناير

انا : ههههههه

اوك باسي قوليلي بقي

انتي صوتي لنعم ام للأ ؟

هي : هيهيهي .... حطيتها في النص !


انا : مفيش فايده برضو !!

اوكي ... ف نهاية حوارنا البسيط ده بشكرك 

واحب اسألك ... عندك اي كلمه تقوليها لحد ؟


هي : اه بقول للوشين صبح صبح ..... ولداجر بطل ادمان :D

انا : اوك ( وملحقتش اختم الحلقه غير بكاااااااااات )

 في ييجي 14 سطر اتشالوا شيفتنا كانت بتطالب باللبان بتاعها مع اننا جبناهولها 

وكانت عاوزه تاخد مننا فلوس اللقاء ده بس احنا مرضيناش .... الناس اتغيرت خالث !

وبنششششكركم جميعاً اعزائي القراء

علي انتباهكم لينا 

وعلي متابعتكم لينا ولبرنامجنا الفظييع 

( 25 )

وانتظرونا مع ضيف اخر .... ورأي اخر !

تحياتي

بسنت نبيل

مدونة دو .. ري .. مي

حيث تصبح الحياه ..... سيمفونيه